Lúðrasveit Hafnarfjarðar » 60 ára afmælistónleikar 2010

Trompeten Express – Frá 60 ára afmælistónleikunum 6. febrúar 2010

admin — Tue, 16 Mar 2010 20:37:29 +0000

Wunderland bei Nacht – Frá 60 ára afmælistónleikunum 6. febrúar 2010

admin — Thu, 11 Feb 2010 22:22:23 +0000

Einleikur á trompet: Jóhannes Þorleiksson

Afmælismarsinn – Frá tónleikunum 6. febrúar 2010

admin — Tue, 09 Feb 2010 09:16:49 +0000

Hér leikur Lúðrasveit Hafnarfjarðar afmælismarsinn á 60 ára afmælistónleikum sveitarinn í Íþróttahúsinu við Strandgötu, þann 6. febrúar síðastliðinn.

60 ára afmælistónleikar Lúðrasveitar Hafnarfjarðar

admin — Wed, 03 Feb 2010 00:29:57 +0000

Lúðrasveit Hafnarfjarðar var stofnuð 31. janúar 1950 og fagnar því 60 ára afmæli sínu um þessar mundir. Í tilefni af afmælinu verður blásið til tónleika í Íþróttahúsinu við Strandgötu laugardaginn 6. febrúar kl. 16:00.

Á tónleikunum verður lúðrasveitin skipuð rúmlega 60 manns, sem leikið hafa með í gegnum tíðina, meðal annarra stofnfélagar. Efnisskráin spannar 60 ára feril lúðrasveitarinnar, en á henni má meðal annars finna Tjarnarmars, Hafnarfjörð og Öxar við ána.

Aðgangur ókeypis meðan húsrúm leyfir.

Myndband frá fyrstu æfingunni

admin — Wed, 06 Jan 2010 23:53:27 +0000

Æfing mánudaginn 4. janúar 2010

admin — Wed, 30 Dec 2009 23:24:27 +0000

Á vel sóttum undirbúningsfundi 7. desember voru lögð drög að efnisskrá og æfingaplani fyrir 60 ára afmælistónleika Lúðrasveitar Hafnarfjarðar, sem haldnir verða í Íþróttahúsinu við Strandgötu laugardaginn 6. febrúar 2010 kl. 16:00.

Æft verður í Tónkvísl (íþróttahúsinu við gamla Lækjarskóla) alla mánudaga í janúar, mánudaginn 1. febrúar og einnig verður aukaæfing í vikunni fyrir tónleikana, líklega miðvikudaginn 3. febrúar. Allar æfingarnar hefjast klukkan 20:00. Stjórnendur verða Stefán Ómar Jakobsson og Hans Ploder.

Efnisskráin er enn í mótun, en meðal annars verða leikin Afmælismars, Blásið hornin, Wunderland bei Nacht og Hafnarfjörður. Frekari tillögur að lagavali eru vel þegnar, hafið þá samband við Finnboga eða Þorleik.

Allir sem leikið hafa með LH á undanförnum 60 árum eru velkomnir á æfingarnar, hvort sem þeir ákveða að spila með eða ekki. Bryndís Ploder mun hjálpa til við að finna hljóðfæri fyrir þá sem þess þurfa, látið hana endilega vita sem fyrst svo allir hafi hljóðfæri á fyrstu æfingunni, 4. janúar næstkomandi