Lúðrasveit Hafnarfjarðar

Kröfuganga á 1. maí

admin — Tue, 01 May 2012 12:51:13 +0000

Í dag er fyrsti maí um land allt og lúðrasveitin spilar að sjálfsögðu í kröfugöngunni.
Mæting er í Tónkvísl klukkan 13:00 í svörtum buxum, svörtum sokkum og vel pússuðum spariskóm. Úlpur verða á staðnum. Kröfugangan leggur af stað frá Ráðhústorginu kl. 14:00 en lúðrasveitin spilar meðan fólk safnast saman, frá kl. 13:40.

Næsta æfing verður mánudaginn 12. mars

admin — Sat, 03 Mar 2012 15:18:09 +0000

Næsta æfing hjá LH verður mánudaginn 12. mars. Við munum kíkja á eitthvað nýtt efni og ákveða hvað við gerum fram á sumarið.
Sjáumst hress þá!

Góutónleikar LH og Voces Masculorum

admin — Mon, 20 Feb 2012 11:43:13 +0000

Lúðrasveit Hafnarfjarðar og karlakórinn Voces Masculorum halda sameiginlega tónleika í Víðistaðakirkju laugardaginn 25. febrúar kl. 16.

Óperukórar, -forleikir og karlakóralög verða því áberandi á tónleikunum en þar verða einnig slagarar úr ýmsum áttum og hefðbundin lúðrasveitaverk. Meðal annars frumflytur lúðrasveitin verk sem Stefán Ómar Jakobsson samdi í minningu Hans Ploder.

Almennt miðaverð er 1500 kr. en 500 fyrir 12 ára og yngri.

Æfingaráætlun fram að tónleikunum

admin — Mon, 23 Jan 2012 15:17:03 +0000

Svona lítur æfingaráætlunin okkar út fram að tónleikum. Ef eitthvað breytist látum við vita í tölvupósti og á FB síðu sveitarinnar.

Mánudagur 23. janúar kl. 20:00 – Æfing
Mánudagur 30. janúar kl. 20:00 – Aðalfundur
Mánudagur 6. febrúar kl. 20:00 – Æfing
Föstudagur 10. febrúar kl. 19:00 – Æfing með kórnum
Mánudagur 13. febrúar kl. 20:00 – Æfing
Sunnudagur 19. febrúar kl. 17:00 – Æfing með kórnum, mætið tímanlega
Mánudagur 20. febrúar kl. 20:00 – Æfing
Föstudagur 24. febrúar kl. 19:00 – Generalprufa í Víðistaðakirkju
Laugardagur 25. febrúar kl. 16:00 – Tónleikar

Stjórnin

Aðalfundur

admin — Sun, 22 Jan 2012 19:59:55 +0000

Aðalfundur Lúðrasveitar Hafnarfjarðar verður haldinn mánudaginn 30. janúar n.k. í Tónkvísl.
Fundurinn hefst stundvíslega klukkan 20:00

Dagskrá

1. Skýrsla stjórnar.
2. Lagabreytingar ef skriflegar tillögur koma fram fyrir fundinn.
3. Kjör stjórnar.
4. Önnur mál.

Þar sem LH verður 62 ára í vikunni verður boðið upp á léttar veitingar fyrir fundarmenn.

Stjórnin.

Næstu tónleikar

admin — Mon, 16 Jan 2012 11:36:52 +0000

Næstu tónleikar Lúðrasveitar Hafnarfjarðar verða í Víðistaðakirkju laugardaginn 25. febrúar kl. 16:00. Karlakórinn Voces Masculorum verður gestur lúðrasveitarinnar á tónleikunum.

Nánari upplýsingar síðar.