Um sveitina
Lúðrasveit Hafnarfjarðar var stofnuð í janúar 1950 og fagnaði því nýverið 60 ára afmæli sínu. Sveitina skipa um 30 blásarar og slagverksmenn, á aldrinum frá fimmtán ára fram yfir fimmtugt.
Lúðrasveitin heldur að jafnaði tvenna tónleika á ári, auk þess að spila fyrir Hafnarfjarðarbæ og fleiri við hátíðleg tækifæri, til dæmis 17. júní, sjómannadaginn, 1. maí og þegar ljósin eru tendruð á jólatrénu á Thorsplani.
Lúðrasveitin æfir í Tónkvísl, íþróttahúsinu við gamla Lækjarskóla, á mánudagskvöldum klukkan 20:00. Stjórnandi Lúðrasveitar Hafnarfjarðar er Rúnar Óskarsson.
Stjórn lúðrasveitarinnar skipa: Brynjar Óskarsson, formaður; Finnbogi Óskarsson, gjaldkeri og Gréta Hauksdóttir, ritari.