Eftir vel heppnaða afmælistónleika Lúðrasveitar Hafnarfjarðar í febrúar sl. kom í ljós að mikill áhugi var fyrir að hefja reglulega starfsemi LH aftur. Því hefur nú verið ákveðið að hefja æfingar af fullum krafti nú í haust.
Nokkrir hafa þegar sótt um auglýsta stöðu stjórnanda og verður vonandi gengið frá ráðningu hans á næstu vikum. Fyrsta æfing vetrarins verður í Tónkvísl (íþróttahúsinu við gamla Lækjarskóla) mánudaginn 13. september kl. 20:00.
Allir gamlir og nýir félagar eru velkomnir
Meðal þess sem þarf að yfirfara eru hljóðfæra- og búningamál lúðrasveitarinnar og því eru þeir, sem enn eru með hljóðfæri frá sveitinni og hyggjast ekki spila með í haust, beðnir að skila þeim (annaðhvort á æfingunni 13. september eða í Tónkvísl á skólatíma). Eins eru allir sem eru með búning frá sveitinni beðnir að skila þeim inn, hvort sem þeir ætla að spila með eða ekki.
Frekari upplýsingar um starfið framundan munu birtast jafnóðum hér á síðunni.