admin

Lúðraþytur í Hörpu

by

Lúðrasveit Hafnarfjarðar heldur tónleika í Norðurljósum, Hörpu þriðjudaginn 18. mars kl. 20:00.

Þetta eru fimmtu og síðustu tónleikarnir í tónleikaröðinni Lúðraþytur í Hörpu, sem lúðrasveitir af suðvesturhorni landsins hafa staðið fyrir í vetur. Lúðrasveitin verður ekki ein á ferð, því hún hefur fengið Flensborgarkórinn til liðs við sig, undir stjórn Hrafnhildar Blomsterberg, og mun kórinn syngja nokkur lög með lúðrasveitinni.

Á efnisskrá tónleikanna verða nýleg lúðrasveitaverk fyrirferðarmikil. Má þar meðal annars nefna verkin Suite Arktica II eftir Pál Pampichler Pálsson og Sleep eftir Eric Whitacre. Einnig verða leiknir hefðbundnir Sousa-marsar.

Stjórnandi Lúðrasveitar Hafnarfjarðar er Rúnar Óskarsson.

Miðaverð er 2000 krónur. Miða á tónleikana má kaupa á vefsíðunni miði.is og á heimasíðu Hörpu.

Gleðileg jól!

by

Lúðrasveit Hafnarfjarðar óskar lúðurþeyturum og landsmönnum öllum gleðilegra jóla.

Fyrsta æfing á nýju ári verður mánudagskvöldið 6. janúar kl. 20.

Aðventutónleikar lúðrasveitarinnar

by

Lúðrasveitar Hafnarfjarðar heldur aðventutónleika í Víðistaðakirkju laugardaginn 30. nóvember kl. 14:00.

Á efnisskránni er meðal annars að finna svítu fyrir lúðrasveit eftir Gustav Holst, tvo kafla úr svítu fyrir sviðshljómsveit eftir Dmítríj Sjostakóvítsj og íslenskan jólaforleik eftir Sigurð I. Snorrason – auk hefðbundinna marsa.

Einleikarar á tónleikunum verða trompetleikarinn Andrés Björnsson sem leikur tangó eftir Astor Piazzola og hornleikarinn Erna Ómarsdóttir sem leikur rondókafla úr einum hornkonserta Mozarts. Auk þess stígur básúnudeildin á svið og leikur Lustige Polka eftir Hans Hartwig.

Stjórnandi Lúðrasveitar Hafnarfjarðar er Rúnar Óskarsson.

LH á aðventutónleikum 1. desember 2012

Tendrun ljósa á jólatrjám

by

Lúðrasveit Hafnarfjarðar leikur við tendrun ljósa á tveimur jólatrjám laugardaginn 30. nóvember. Hið fyrra er Frederiksbergstréð á Thorsplani í Hafnarfirði klukkan 16:30 og svo Hamborgartréð við Reykjavíkurhöfn kl. 17:00.

Sama dag kl. 14 verða aðventutónleikar lúðrasveitarinnar haldnir í Víðistaðakirkju.

Oktoberfest Lúðrasveitar Hafnarfjarðar

by

Lúðrasveit Hafnarfjarðar heldur Oktoberfest á Enska barnum, Hafnarfirði, laugardaginn 12. október. Þar verða fluttir slagarar úr grænu möppu LH, sem hefur að geyma það besta úr þýska bjórlitteratúrnum. Tónleikarnir hefjast stundvíslega kl. 20 og aðgangur er ókeypis.
Sjá auglýsingu hér.

Fyrsta æfing vetrarins

by

Fyrsta æfing starfsársins verður í Tónkvísl mánudagskvöldið 2. september klukkan 20:00. Vetrardagskráin, sem er fjölbreytt og spennandi, verður nánar kynnt á æfingunni. Allir gamlir og nýir félagar eru velkomnir – sérstaklega slagverksleikarar.