admin

Landsmót SÍL í Þorlákshöfn

by

Landsmót SÍL verður haldið í Þorlákshöfn helgina 4.-6. október nk. Fyrirkomulagið er ekki með gamla sniðinu, þ.e. að hver sveit komi með tilbúið prógramm og spili á tónleikum heldur verður öllum þátttakendum blandað saman. Hópnum verður skipt í þrjár sveitir sem munu spila með mismunandi gestum, 200.000 Naglbítum, Jónasi Sigurðssyni og Fjallabræðrum. Æft verður á föstudagskvöldi og laugardegi og svo verða stórtónleikar á laugardagskvöldinu.

Kostnaður: 10.000 kr. á mann. Innifalið er gisting báðar næturnar, hádegismatur, síðdegissnarl og kvöldverður á laugardaginn og ball á laugardagskvöldið.

Skráning í tölvupósti (ludrasveit@ludrasveit.is) fyrir 1. september.

17. júní

by

Spilamennskan á 17. júní er loksins komin á hreint. Skrúðgangan leggur af stað frá Ásvöllum kl. 13:00 og við göngum niður á Thorsplan. Við spilum ekkert fyrir gönguna en hugsanlega eitthvað á Thorsplani. Ef vel viðrar og stemmningin býður upp á það spilum við líka á nokkrum stöðum í miðbænum eftir gönguna.

Klæðnaður: Fjólublár búningur og kaskeiti, svartir sokkar og svartir nýpússaðir spariskór. Þeir sem ekki hafa búning mæti í svörtum sparibuxum og LH-úlpu með kaskeiti.

Mæting á Ásvelli kl. 12:45 eða í Tónkvísl ekki seinna en 12:30. Húsið opnar kl. 12:00.

Sjómannadagurinn

by

Að vanda mun lúðrasveitin halda uppi stuðinu á Sjómannadaginn, sunnudaginn 2. júní. Við spilum ættjarðarlög við Hrafnistu klukkan 10 og við höfnina frá klukkan 13:45, þegar aldnir sjómenn verða heiðraðir.

Mæting: kl. 9:45 við Hrafnistu og kl. 13:30 við Kænuna.

Klæðnaður í bæði skiptin: Fjólublái búningurinn með viðeigandi hatti, svartir sokkar og svartir nýpússaðir spariskór. Þeir sem ekki geta bjargað sér um búning mæti í svörtum sparibuxum!

Æfing og búningamátun verður haldin í Tónkvísl mánudaginn 27. maí klukkan 20. Þeir sem eru með búning heima en geta ekki spilað með mega gjarna lána hann þurfandi.

Hlé á æfingum

by

Formlegum æfingum LH er lokið í vetur. Þó má reikna með að boðað verði til æfinga fyrir spilamennskurnar á Sjómannadaginn og 17. júní.

Kröfuganga 1. maí

by

Lúðrasveitin spilar að vanda í kröfugöngu á Verkalýðsdaginn 1. maí. Spilamennskan verður með hefðbundnu sniði, við mætum í Tónkvísl 13:00, byrjum að spila 13:40 fyrir utan Súfistann og gangan hefst 14:00.

Við verðum í lúðrasveitarúlpunum, með kaskeitin, í svörtum sparibuxum, svörtum sokkum og nýpússuðum svörtum spariskóm. Munið, svartir íþróttaskór teljast ekki spariskór!

Vortónleikar LH

by

Lúðrasveit Hafnarfjarðar heldur vortónleika í Hafnarborg föstudaginn 15. mars kl. 20:00.

Á efnisskránni kennir ýmissa grasa, meðal annars mun Kristjana Stefánsdóttir syngja nokkur lög með sveitinni, Helgi Þorleiksson mun leika einleik á víbrafón og fluttur verður konsertpolki fyrir tvær klarinettur og lúðrasveit eftir Pál Pampichler Pálsson. Að sjálfsögðu verða einnig leiknir marsar, m.a. glænýr mars eftir stjórnanda sveitarinnar, Rúnar Óskarsson.

Almennt miðaverð er 1500 kr. en aðgangur er ókeypis fyrir börn og unglinga yngri en 16 ára.