admin

Stóra Hollandsferðin er hafin

by

Lúðrasveitin er nú um það bil að leggja af stað í tónleika- og skemmtiferð um Niðurlönd. Dvalið verður í bænum Amersfoort í Hollandi frá 18.-25. júní.

Föstudaginn 20. júní kl. 16:00 verður spilað á Sint-Baafsplein í Gent í Belgíu.

Laugardaginn 21. júní verður markaðsdagur í Amersfoort. Lúðrasveitin leikur þá á tveimur stöðum: Euterpeplein-torginu kl. 13:00 og á Groenmarkt-torginu kl. 16:00.

Sunnudaginn 22. júní kl. 11:00 verður leikið á Wagenwerkplaats í Amersfoort. Tónleikahluta ferðalagsins lýkur svo með spilamennsku á 17. júní-fagnaði Íslendingafélagsins í Mondriaan Scouting klukkan 13:00 þennan sama dag.

Skrúðganga á 17. júní

by

Lúðrasveit Hafnarfjarðar verður að vanda í broddi fylkingar í skrúðgöngunni á Þjóðhátíðardaginn, auk þess að spila í hátíðarstundinni á Hamrinum fyrir göngu.

Að skrúðgöngunni lokinni ætlar lúðrasveitin svo að halda örtónleika á nokkrum stöðum í miðbænum og æfa í leiðinni fyrir tónleikaferð sveitarinnar um Niðurlönd, sem hefst að morgni 18. júní.

Sjómannadagurinn

by

Sjómannadagurinn verður haldinn hátíðlegur 1. júní næstkomandi. Þá spilar Lúðrasveit Hafnarfjarðar að vanda við Hrafnistu kl. 10 og í hátíðardagskránni við Kænuna kl. 13:45.

LH í Kaplakrika

by

Sunnudaginn 18. maí mun lúðrasveitin spila við opnun nýs íþróttahúss í Kaplakrika.

Fyrst verður spilað á milli kl. 11:30 og 12:00 og aftur frá 12:45 til 13:00.

Mæting er í Kaplakrika kl. 11:15, í fullum fjólubláum skrúða og nýpússuðum svörtum spariskóm. Farið er inn um aðalinnganginn. Svo er farið niður tröppur og út í nýja frjálsíþróttahúsið þar sem opnunarathöfnin fer fram.

Holland heillar

by

Æfingar eru nú hafnar af fullum krafti fyrir stóru Hollandsferðina, en lúðrasveitin mun dvelja við leik og störf í Amersfoort í Hollandi dagana 18. til 25. júní.

Áður en að því kemur mun sveitin þó taka þátt í hátíðahöldum sjómannadagsins og 17. júní.

Kröfuganga 1. maí

by

Lúðrasveitin leikur að vanda í kröfugöngu verkalýðsfélaganna á Verkalýðsdaginn 1. maí. Gangan leggur af stað frá Bæjarbíói kl. 14 en lúðrasveitin leikur nokkur lög meðan göngumenn safnast saman.

Mæting er í Tónkvísl kl. 13, í fullum fjólubláum skrúða, svörtum sokkum og nýpússuðum svörtum spariskóm. Okkar hlutverki verður lokið um kl. 14:30.