Sjómannadagurinn er í dag.
Samkvæmt venju spilar Lúðrasveitin við Hrafnistu kl. 10:00.
Eftir hádegi, eða kl. 13:30 verður svo marserað um hátíðarsvæðið við Flensborgarhöfn áður en skemmtiatriðin byrja.
Áhugasöm geta kynnt sér hátíðardagskrána betur á vef Hafnarfjarðarbæjar.
Til hamingju með daginn, sjómenn!
Það er kominn sautjándi júní!
Þjóðhátíðardagurinn er einn af föstum punktum Lúðrasveitarinnar ár hvert og í ár verður ekki gerð nein undantekning.
Klukkan 12:45 verður safnast saman fyrir utan Flensborgarskólann. Skrúðganga leggur svo af stað frá skólanum klukkan 13:00. Gengið verður niður Hringbraut, eftir Lækjargötu og inn Strandgötu að Thorsplani.
Að göngu lokinni, eða um kl. 14:00, heldur Lúðrasveitin svo tónleika fyrir utan Hafnarborg.
Áhugasamir geta kynnt sér dagskrá þjóðhátíðarhalda í Hafnarfirði á vef bæjarins.
Jólin eru handan við hornið og brassdeild Lúðrasveitarinnar sér um að koma Hafnfirðingum og nærsveitungum í jólaskap fyrstu helgina í desember.
Föstudaginn 30. nóvember verður Jólaþorpið opnað á Thorsplani í Hafnarfirði og kveikt á ljósunum á jólatrénu frá Cuxhaven. Lúðrasveitin leikur nokkur létt jólalög kl. 18:00. Nánari dagskrá má nálgast á vef Hafnarfjarðarbæjar og á Facebook.
Laugardaginn 1. desember klukkan 17:00 verða ljósin tendruð á Hamborgartrénu á Miðbakka Reykjavíkurhafnar. Þar verða leikin nokkur vinsæl þýsk jólalög fyrir athöfnina og á milli ræðuhalda.
Sunnudaginn 2. desember klukkan 12:00 koma svo nokkrir félagar úr Lúðrasveitinni fram á jóladagskrá í Hafnarborg. Dagskráin er skipulögð af Fjarðarpóstinum og Hafnarfjarðarbæ og má fylgjast með henni í beinni útsendingu á Facebook-síðum skipuleggjenda.
Aðventan nálgast og brassdeild lúðrasveitarinnar kemur með jólin til Hafnfirðinga og nærsveitunga.
Föstudaginn 1. desember leikur lúðrasveitin við opnun jólaþorpsins á Thorsplani í Hafnarfirði. Talið verður í fyrsta lagið klukkan 17:55.
Laugardaginn 2. desember verða ljósin kveikt á jólatrénu frá Cuxhaven. Athöfnin fer fram á Flensborgarhöfn í Hafnarfirði og hefst hún klukkan 15:00.
Síðar sama dag, eða klukkan 17:00, verður loks leikið á Miðbakkanum við Reykjavíkurhöfn, þar sem ljósin verða kveikt á Hamborgartrénu.
Eins og undanfarin ár hefst haustdagskrá lúðrasveitarinnar í Reykjanesbæ, þar sem spilað verður í Árgangagöngunni á Ljósanótt.
Gangan leggur af stað í dag klukkan 13:30 og verður gengið niður Hafnargötu í Reykjanesbæ.
Áhugasamir geta kynnt sér dagskrá Ljósanætur nánar á vefnum ljósanótt.is.
Hæ, hó, jibbý, jei, kæru Hafnfirðingar, og aðrir landsmenn!
Í dag er sautjándi júní haldinn hátíðlegur um land allt.
Að vanda fer lúðrasveitin fyrir skrúðgöngunni í Hafnarfirði í dag. Hún leggur af stað klukkan 13:00 frá skátaheimilinu Hraunbyrgi við Hjallabraut.
Að göngu lokinni verða svo spiluð nokkur létt lög fyrir utan Hafnarborg, eða um klukkan 14:00.
Á vef Hafnarfjarðarbæjar má skoða dagskrá dagsins.
