Tónleikar

Lúðrasveit Hafnarfjarðar heldur vortónleika í Hafnarborg föstudaginn 15. mars kl. 20:00.

Á efnisskránni kennir ýmissa grasa, meðal annars mun Kristjana Stefánsdóttir syngja nokkur lög með sveitinni, Helgi Þorleiksson mun leika einleik á víbrafón og fluttur verður konsertpolki fyrir tvær klarinettur og lúðrasveit eftir Pál Pampichler Pálsson. Að sjálfsögðu verða einnig leiknir marsar, m.a. glænýr mars eftir stjórnanda sveitarinnar, Rúnar Óskarsson.

Almennt miðaverð er 1500 kr. en aðgangur er ókeypis fyrir börn og unglinga yngri en 16 ára.

Lúðrasveit Hafnarfjarðar heldur aðventutónleika í Víðistaðakirkju laugardaginn 1. desember kl. 17.

Á dagskránni eru einkum þjóðdansar og þjóðlög úr ýmsum áttum en marsar og jólalög koma einnig við sögu. Þá mun Andrés Björnsson leika einleik á flügelhorn.

Almennt miðaverð er 1500 kr. en 500 kr. fyrir börn yngri en 12 ára.

Lúðrasveit Hafnarfjarðar og karlakórinn Voces Masculorum halda sameiginlega tónleika í Víðistaðakirkju laugardaginn 25. febrúar kl. 16.

Óperukórar, -forleikir og karlakóralög verða því áberandi á tónleikunum en þar verða einnig slagarar úr ýmsum áttum og hefðbundin lúðrasveitaverk. Meðal annars frumflytur lúðrasveitin verk sem Stefán Ómar Jakobsson samdi í minningu Hans Ploder.

Almennt miðaverð er 1500 kr. en 500 fyrir 12 ára og yngri.

Næstu tónleikar Lúðrasveitar Hafnarfjarðar verða í Víðistaðakirkju laugardaginn 25. febrúar kl. 16:00. Karlakórinn Voces Masculorum verður gestur lúðrasveitarinnar á tónleikunum.

Nánari upplýsingar síðar.

Föstudaginn 11. nóvember heldur Lúðrasveit Hafnarfjarðar síðbúið Oktoberfest á Enska barnum, Flatahrauni 5b í Hafnarfirði.

Þar verða fluttir valdir slagarar úr hinni víðfrægu grænu möppu LH, en hún geymir það allra besta í þýskri bjórtónlist auk íslenskra gullmola í svipuðum stíl. Hér er einstakt tækifæri til að heyra tónlistina sem spiluð er á Oktoberfest í München ár hvert.

Lúðrasveitin byrjar að spila um kl. 20:30 en á undan mun Enski barinn bjóða upp á létt snakk í þýskum anda með bjórnum. Það er því tilvalið að mæta tímanlega og hita aðeins upp áður en allt byrjar.

Vortónleikar Lúðrasveitar Hafnarfjarðar verða haldnir í Gaflaraleikhúsinu, Strandgötu 50 (gömlu Vélsmiðju Hafnarfjarðar) föstudagskvöldið 8. apríl kl. 20:00.

Á efnisskránni fer mikið fyrir suðrænum tónum og svítum af ýmsu tagi, meðal annars Svíta nr. 2 fyrir lúðrasveit eftir Gustav Holst, þjóðdansasvíta eftir Dmitríj Sjostakóvítsj og lokadansinn úr Estancia eftir Alberto Ginastera. Að sjálfsögðu verða einnig marsar á efnisskránni, m.a. eftir John Philip Sousa, auk þess sem þrír trompetleikarar stíga fram og spila Bugler’s holiday eftir Leroy Anderson.

Stjórnandi Lúðrasveitar Hafnarfjarðar er Rúnar Óskarsson.

Aðgangseyrir er kr. 1000.