admin

Hausttónleikar lúðrasveitarinnar

by

Lúðrasveit Hafnarfjarðar í Desenzano á Ítalíu í júní 2019

Hinir árlegu hausttónleikar Lúðrasveitar Hafnarfjarðar verða haldnir í Víðistaðakirkju laugardaginn 19. nóvember kl. 14:00.

Á efnisskránni verður tónlist úr ýmsum áttum, meðal annars eftir Leonard Bernstein, Astor Piazzolla, Chick Corea, Thorbjörn Egner og Gerald Finzi. Einnig verður flutt glæný útsetning lúðrasveitarfélagans Eiríks Rafns Stefánssonar á Austurstræti eftir Þórhall Sigurðsson (Ladda).

Stjórnandi Lúðrasveitar Hafnarfjarðar er Rúnar Óskarsson.

Almennt miðaverð er 2000 krónur, en aðgangur er ókeypis fyrir 16 ára og yngri. Miða má nálgast í forsölu hjá lúðrasveitarfélögum fram að tónleikadegi og við innganginn þegar þar að kemur. Rétt er að benda á að ekki verður posi við innganginn.

Viðburður fyrir tónleikana á Facebook.

Ferðalag um Vesturland

by

Laugardaginn 11. júní verður Lúðrasveitin á faraldsfæti um Vesturland. Haldnir verða stuttir útitónleikar á nokkrum stöðum.

Fyrstu tónleikar dagsins verða í Skallagrímsgarði í Borgarnesi og hefjast þeir um kl. 11:30. Eftir hádegi verða haldnir tónleikar á Bifröst og e.t.v. við Deildartunguhver og á fleiri stöðum, eftir því sem veður og vindar leyfa.

Á dagskrá verður léttmeti úr ýmsum áttum, íslensk dægurlög, hressilegir marsar og fleira.

Borgarnes. Mynd: Wikipedia
Borgarnes. Þar verða tónleikar í Skallagrímsgarði kl. 11:30. Mynd: wikipedia.

Kvikmyndatónlist í Víðistaðakirkju

by

Lúðrasveit Hafnarfjarðar í Desenzano á Ítalíu í júní 2019

Lúðrasveit Hafnarfjarðar blæs til vortónleika laugardaginn 7. maí næstkomandi. Tónleikarnir verða haldnir í Víðistaðakirkju og hefjast þeir kl. 14:00.

Á efnisskránni er eingöngu tónlist úr kvikmyndum, m.a. eftir Stephen Sondheim, John Williams, Alan Menken og Jim Henson. Kristinn Svavarsson blæs sóló á altsaxófón í Smile eftir Charlie Chaplin.

Meðal annars mun hljóma tónlist úr myndunum Into the woods, Indiana Jones, Harry Potter, Aladdín, Star Wars, Guðföðurnum og úr nokkrum völdum James Bond myndum.

Stjórnandi Lúðrasveitar Hafnarfjarðar er Rúnar Óskarsson.

Almennt miðaverð er 2000 krónur, en aðgangur er ókeypis fyrir 16 ára og yngri. Miða má nálgast í forsölu hjá lúðrasveitarfélögum fram að tónleikadegi og við innganginn þegar þar að kemur. Rétt er að benda á að ekki verður posi við innganginn.

Lúðrasveit Hafnarfjarðar 70 ára

by

Lúðrasveit Hafnarfjarðar í Desenzano á Ítalíu í júní 2019

Lúðrasveit Hafnarfjarðar heldur 70 ára afmælistónleika í Norðurljósum, Hörpu, þriðjudaginn 19. október kl. 20:00.

Lúðrasveit Hafnarfjarðar var stofnuð 31. janúar 1950 og fyllti því 70 árin í fyrra. Þar sem þá voru ekki aðstæður til að fagna blæs sveitin nú til síðbúinna afmælistónleika.

Á efnisskránni eru mestanpart gömul og ný verk samin fyrir lúðrasveit, til dæmis eftir John Philip Sousa og Philip Sparke, en einnig útsetningar af tónlist úr söngleikjum og kvikmyndum.

Miða á tónleikana er hægt að kaupa á tix.is.

Stjórnandi er Rúnar Óskarsson.

Viðburður fyrir tónleikana á Facebook.

Hausttónleikar 2019

by

Lúðrasveit Hafnarfjarðar í Desenzano á Ítalíu í júní 2019

Lúðrasveit Hafnarfjarðar heldur sína árlegu hausttónleika í Víðistaðakirkju laugardaginn 30. nóvember kl. 14:00.

Á efnisskránni verða lög úr ýmsum áttum. Farið verður á sannkallað heimshornaflakk; meðal annars verður staldrað við á Írlandi, Ísrael og Ítalíu. Auk annarra verka verða leikin Soferska eftir Bosníska tónskáldið Goran Bregovic, stef úr Paradísarbíóinu (Cinema Paradiso) eftir Ennio Morricone og syrpa af lögum eftir Benny Goodman. Góðkunningjar Lúðrasveitarinnar, John Philip Sousa og Philip Sparke verða heldur ekki langt undan.

Stjórnandi Lúðrasveitar Hafnarfjarðar er Rúnar Óskarsson.

Almennt miðaverð er 2000 krónur, en aðgangur er ókeypis fyrir 16 ára og yngri. Miða má nálgast í forsölu hjá lúðrasveitarfélögum fram að tónleikadegi og við innganginn þegar þar að kemur.