Októberfest Lúðrasveitarinnar

by

Komið er að hinu árlega Októberfesti Lúðrasveitar Hafnarfjarðar. Það verður haldið laugardaginn 6. október, á Fjörukránni í Hafnarfirði. Talið verður í fyrsta lagið klukkan 21:00.

Fluttir verða valdir slagarar úr hinni víðfrægu grænu möppu LH, en hún geymir það allra besta í þýskri bjórtónlist auk íslenskra gullmola í svipuðum stíl. Hér er einstakt tækifæri til að heyra tónlistina sem spiluð er á Oktoberfest í München ár hvert.

Stórsöngvarinn Örvar Már Kristinsson mætir á svæðið og syngur nokkur lög með okkur.

Aðgangur er ókeypis.

Nú er komið hrímkalt haust

by

Sumarfrí lúðrasveitarinnar er nú senn á enda.

Fyrsta æfing haustsins verður haldin í Tónkvísl í kvöld, mánudaginn 3. september. Ýmislegt spennandi verður á dagskrá komandi starfsárs og verður nánar sagt frá því þegar þar að kemur.

Gamlir og nýir félagar eru velkomnir á æfingu.

Sjómannadagurinn

by

Sjómannadagurinn er í dag. Að venju tekur Lúðrasveitin þátt í hátíðahöldum dagsins í Hafnarfirði.

Klukkan 10:00 verður spilað fyrir íbúa og gesti Hrafnistu í Hafnarfirði.

Klukkan 13:50 verður svo leikið við hátíðahöld við Flensborgarhöfn, m.a. við heiðrun sjómanna.

Áhugasamir geta kynnt sér dagskrá sjómannadagsins nánar á vef Hafnarfjarðarbæjar.

Vorið er komið

by

Starfsemin verður með minna móti nú í maí, að loknum vel heppnuðum vortónleikum.

Áður en sumarfrí brestur á kemur lúðrasveitin fram við hátíðahöld sjómannadagsins og 17. júní og verður nánar sagt frá því þegar nær dregur.

Áhugasamir geta því fylgst með starfseminni hér á vefnum og á Facebook-síðu lúðrsasveitarinnar.

Vortónleikar lúðrasveitarinnar

by

Vortónleikar Lúðrasveitar Hafnarfjarðar verða haldnir í Víðistaðakirkju á þriðja degi sumars; laugardaginn 21. apríl kl. 14:00.

Á efnisskránni eru mestanpart verk samin fyrir lúðrasveit, sum gömul en önnur glæný. Meðal annars verður þar að finna marsa eftir John Philip Sousa og Johannes Hansen, og nýleg verk eftir Robert Buckley, Dana Wilson og James Curnow.

Á tónleikunum munu tveir félagar úr lúðrasveitinni leika einleik; Helena Guðjónsdóttir á þverflautu og Kristinn Svavarsson á altsaxófón.

Stjórnandi Lúðrasveitar Hafnarfjarðar er Rúnar Óskarsson.

Miðaverð er 1500 krónur. Miða má kaupa í forsölu hjá lúðrasveitarfélögum fram að tónleikadegi eða við innganginn.

Lúðrasveit Hafnarfjarðar í Augustiner-bjórgarðinum
Lúðrasveit Hafnarfjarðar að loknum tónleikum í Augustiner bjórgarðinum.

Bráðum koma blessuð jólin

by

Aðventan nálgast og brassdeild lúðrasveitarinnar kemur með jólin til Hafnfirðinga og nærsveitunga.

Föstudaginn 1. desember leikur lúðrasveitin við opnun jólaþorpsins á Thorsplani í Hafnarfirði. Talið verður í fyrsta lagið klukkan 17:55.

Laugardaginn 2. desember verða ljósin kveikt á jólatrénu frá Cuxhaven. Athöfnin fer fram á Flensborgarhöfn í Hafnarfirði og hefst hún klukkan 15:00.

Síðar sama dag, eða klukkan 17:00, verður loks leikið á Miðbakkanum við Reykjavíkurhöfn, þar sem ljósin verða kveikt á Hamborgartrénu.

Nokkrir lúðrasveitarfélagar í jólaþorpinu í Hafnarfirði
Nokkrir lúðrasveitarfélagar í jólaþorpinu í Hafnarfirði